Kajrare Naina Matware,
Matwari Hai Chal Mohini,
Madhur Muskaan Hai Matwari,
Kanan Me Kundal Shobhamaya,
Hoto Par Hai Laali Matwari,
Mathe Par Hai Bindiya Sajaye,
Kamar Me Kathari Hai Latkaye,
Jaane Kis Kis Ko Sataye,
Jaane Kis Ka Dil Churaye,
Pairo Me Payal Ki Jodi,
Sirr Par Chunari Hai Odhi,
Hathon Par Kangan Aur Chudi,
Baalon Par Sajaye Hai Judi,
Mukh Hai Chandrama Sa Sheetal,
Jhakhjor Deti Hai Wo Mann Ko Bheetar,
Boli Hai Koyal K Jaisi,
Hasti Hai Phoolon K Jaisi,
Lagti Hai Jaise Mayuri,
Bin Tere Hai Adhuri.
No comments:
Post a Comment